Higala
Bisan idlas ang kapalaran
Ayaw isipa nga wa ka nay
padulngan.
Matag usa kanato adunay
kapakyasan
Apan dili kana rason nga
imo nang talikdan.
Dinhi sa kalibotan wala ka
mag-inusara
Busa dili ra ikaw ang
anaa’y problema.
Kon dili kini nimo masulbad
nga ikaw ra
Duol sa imong higala.
Ang tinuod nga higala
mosapnay kanimo
Ilabi na kon magul-anon ka
kaayo.
Anaa sila nga mopakatawa
kanimo
Aron ang kadasig maangkon
mo.
Ang matag higala adunay
kalahian
Aduna’y hilomon, aduna’y
sabaan
Ug ang nindot nga mga kasinatian
Duyogan sa kalipay’ng gisaw-an
Busa pasalamati ang imong
higala
Tungod kay sa kanunay anaa
sila.
Ilang gipaambit ang
tinuoray nga gugma
Nga gidayan-dayanan sa
hilak ug katawa.
